Þarfagreining um gildi rafrænnar ráðgjafar/meðferðar var framkvæmd með því að sérfræðingar svöruðu spurningalista þar sem spurt var um gildi rafrænna miðla í ráðgjöf eða meðferð. Spruningalistinn var lagður fyrir sérfræðinga sem starfa í þeim löndum sem samstarfsaðilar verkefnisins tilheyra. Alls svöruðu 252 einstaklingar spurningalistanum. Hér eru helstu niðurstöður þarfagreiningarinnar.

Þátttakendur

• 252 einstaklingar frá sjö löndum
• Um það bil 80% konur
• Þriðjungur á aldursbilinu 41-50 ára
• Starfsreynsla frá 0 til 25 ára
• Um 50% ráðgjafar, 42% sálfræðingar, 20% aðrir

Notkun rafmiðla í rafrænni ráðgjöf/meðferð

• Tölvupóstur (74%), fjarfundir með hljóði (30%), fjarfundir með mynd og hljóði (27%).
• Samfélagsmiðlar (um 40%): Facebook (86%), aðrir miðlar (35%) þ.e. vefsíður t.d. LinkedIn. Af þeim tækjum sem notuð eru í rafrænni ráðgjöf nota um 70% tölvur.

Reynsla af notkun netsins við ráðgjöf/meðferð

• Rúmlega 50% þeirra sem svöruðu spurningalistanum voru jákvæðir eða mjög jákvæðir í garð notkunar rafrænna miðla í ráðgjöf/meðferð. Af þeim sem svöruðu höfðu 25% enga reynslu af rafrænni ráðgjöf.
• Ráðgjafar/meðferðaraðilar sögðu ástæður þess að þeir notuðu ekki mikið rafræna miðla vera aðallega þær að þeim fannst samskiptin ópersónuleg (50%) og ekki nægilega örugg (34 %).

Kostir rafrænnar ráðgjafar/meðferðar

• Sveigjanleiki varðandi staðsetningu, þ.e. þurfa ekki að mæta á tiltekinn stað (75%).
• Sveigjanleg tímasetning (67%).
• Auðveldara aðgengi að tilteknum markhópi (56%).
• Auðveldara að ná til þeirra sem þurfa á aðstoð að halda (52%).

Gallar rafrænnar ráðgjafar/meðferðar

• Skortur á sýnilegum svipbrigðum og líkamstjáningu (72%).
• Ekki viðeigandi fyrir öll vandamál/viðfangsefni (63%).
• Hugsanlegur misskilningur (57%).
• Algengustu vandamál sem ungmenni eiga við að stríða samkvæmt reynslu sérfræðinga
• Fjölskylduerfiðleikar (69%), kvíði (68%), þunglyndi (55%), skortur á hæfni til að leysa vandamál (50%), samskiptavandi (49%), sértækir námsörðugleikar (49%), áfengis/vímuefnanotkun (42%), einelti/neteinelti (40%). Ráðgjafar/meðferðaraðilar höfðu val um að merkja við fleiri en eitt atriði.

Þeir þættir varðandi rafræna ráðgjöf/meðferð sem þóttu áhugaverðir að mati þeirra sem svöruðu

• Reynslusögur fagmanna (72%), upplýsingar um hugbúnað sem hægt er að nýta í rafrænni ráðgjöf (64%), upplýsingar um trúnað (49%), upplýsingar um siðfræðileg atriði (47%), upplýsingar um samskiptamiðla (42%).
• Áhugi fyrir að taka þátt í þjálfun um rafræna ráðgjöf eða meðferð: já (49%), kannski (37%), nei (14%).