Aikos  er upplýsingasíða sem hefur það meginmarkið að aðstoða einstaklinga í Litháen við að velja sér starfsvettvang. Upplýsingar eru um endurmenntun fyrir þá sem á því þurfa að halda hjá fullorðinsfræðslustofnunum. Einnig er boðin rafræn ráðgjöf þar sem leita má upplýsinga og fá ráðgjöf um náms- eða starfsval. Aðalmarkmið Aikos er að bjóða fjölbreytta möguleika til fjarnáms og að veita þeim sem til þeirra leita ráðgjafar og veita upplýsingar svo þeir geti fundið nám, þjálfun og/eða störf við hæfi og byggt upp sinn náms- og starfsferil.

Viðbótarefni: Upplýsingar um námsmöguleika, vinnu og þjálfun

Australian Psychological  er yfirlitssíða yfir þá þjónustu sem boðin er rafrænt og miðar að því að aðstoða einstaklinga sem eiga við geðræn vandamál að stríða. Á síðunni eru gefnar upplýsingar um vefsíður þeirra stofnanna sem kynntar eru.  Síðan var stofnuð til að koma til móts við þarfir um réttmætar upplýsingar um þá starfsemi sem í boði er og upplýsingar um hvað ber að varast þegar leitað er eftir rafrænni aðstoð.

Big White Wall er vefsíða þar sem boðin er einstaklingsmiðuð aðstoð sem nefnd er LiveTherapy. Aðstoðin miðar að því að aðstoða þá sem lent hafa í tilfinningalegum áföllum eða eiga við heilsuvanda að stríða. Á vefsíðunni er svæði þar sem einstaklingar geta deilt reynslu sinni af heilsutengdum vandamálum.

Cambridge Therapy centre er vefsíða þar sem boðin er rafræn ráðgjöf fyrir einstaklinga sem eiga við ýmis konar vanda að stríða.  Í boði eru ýmsar samskipaleiðir eins og um  tölvupóst þar sem gætt er fyllsta trúnaðar,  samskipti í gegnum rafræn skilaboð á öruggu vefsvæði eða fjarfundi. Breskir notendur geta einnig nýtt sér símaþjónustu. Öll ráðgjöf hjá þessu fyrirtæki er framkvæmd af sérfræðingum.

ClicPsicologos er spænsk stofnun sem býður sérhæfða ráðgjöf bæði rafræna eða hefðbundna og hefur það að markmiði að bjóða faglega sálfræðiþjónustu sem einstaklingar geta nýtt sér frá sínu eigin heimili.  Það eru sálfræðingar sem veita þjónustuna.

Á vefsíðunni dieonlinepsychologen er boðin símaráðgjöf eða tölvupóstsráðgjöf fyrir einstaklinga þar sem þeir geta náð sambandi við sálfræðinga og borið upp margvísleg málefni. Einstaklingar geta valið sérfræðing, sent fyrirspurn og reiknað með að svar berist innan sólarhrings og að fá þjónustu innan 72 stunda.

e-therapy.com er vefsíða þar sem ráðþegar og ráðgjafar geta haft samskipti. Sálfræðingar bjóða faglega og örugga rafræna meðferð á síðunni og hver þeirra er með sitt eigið svæði. Það er auðvelt að læra á síðuna og meðferðaraðilar geta auglýst þjónustu sína þar.  Ráðþegar geta bókað og fengið aðgang til að nýta sér meðferðina og þeir geta jafnvel skoðað hvenær hver sálfræðingur hefur lausan tíma. Ráðþegar geta fengið viðtöl í öruggu umhverfi heiman frá sér nánast þegar þeim hentar. Allar upplýsingar eru aðgengilegar.

FearFighter er vefsíða sem býður rafræna ráðgjöf fyrir þá sem þjást af kvíða eða þráhyggju. Stuðst er við aðferðir hugrænnar atferlismeðferðar. Meðferðin er framkvæmd í 9 þrepum eða stundum þar sem einstaklingarnir fá verkefni til að vinna í milli stundanna sem eru mikilvæg til að ná árangri í meðferðarferlinu. Einstaklingarnir læra að gera sér grein fyrir áhrifum hugsana á eigin líðan og virkni.

Frekari leitarorð: Fælni

GET.ON er samstarfsverkefni nokkurra háskóla sem bjóða  internet- (og /eða öpp) lausnir á formi þjálfunar eða námskeiða á ýmsum sviðum  t.d. atvinnu og heilsu. Nú er verið að meta árangur þeirrar þjálfunar sem er í boði á vísindalega hátt meðal annars með tilliti til skilvirkni.  Það hefur gerst að einstaklingar  sem vilja taka þátt í námskeiði  þurfa að bíða nokkuð lengi eftir því að næg þátttaka fæst og verið er að leita leiða að bæta úr því. Einnig er möguleiki á að taka sjálfspróf til að komast að því hvers konar þjálfun hentar. Auk þess eru alhliða upplýsingar um þætti eins og streitu, þunglyndi, þreytu, og áfengisnotkun.

Viðbótarefni: Bati, Áfengi, Rannsókn, Svefn, Læti

Írska náms- og starfsráðgjafafélagið og Félag sálfræðinga (IACP) hafa gefið út leiðbeiningar fyrir ráðgjafa/meðferðaraðila um hvernig nýta má rafræna ráðgjöf eða meðferð. Á vefnum má annars vegar nálgast upplýsingar sem snúa að fagmönnum sjálfum, það er þá meðferðaraðila og ráðgjafa sem bjóða rafræna ráðgjöf og hins vegar þá sem bjóða handleiðslu fyrir fagaðila á rafrænan hátt. Upplýsingasíðan er miðuð við þarfir fagmanna en getur nýst hverjum þeim sem áhuga hefur.

Á ICare Prevent vefsíðunni er boðið upp á rafræna einstaklingsmiðaða leið fyrir einstaklinga sem eiga við vanda að stríða. Boðnar eru viðurkenndar aðferðir og greiningar og meðferð við algengum sálrænum vanda. Einstaklingar sem hafa áhuga á að fá þjónustu fylgja leiðbeiningum á vefsíðunni um hvernig eigi að nýta sér hana. Þeir Þættir sem meðal annars er fjallað um eru tengsl ófullnægjandi þarfa og sálfræðilegrar vellíðunar, þunglyndi, kvíði, áhyggjur og neikvæðar tilfinningar. Lögð eru áhersla á að einstaklingarnir læri aðferðir til að sigrast á þessum þáttum.

Ieso Digital health (stafræn heilsa) veitir gagnreynda (evidence-based) rafræna meðferð fyrir einstaklinga með kvíða og þunglyndi. Veitt eru rafræn skrifleg samtöl einstaklinga við sérfræðinga í trúnaði. Einstakingar eru í sambandi við viðurkennda sálfræðinga sem hafa meira en 3ja ára reynslu af hugrænni atferlismeðferð. Enn fremur býður Ieso þjálfun fyrir heilbrigðisstarfsmenn þar sem lögð er áhersla á  geðheilsuvandamál.

Ieso Digital health (stafræn heilsa) veitir gagnreynda (evidence-based) rafræna meðferð fyrir einstaklinga með kvíða og þunglyndi. Veitt eru rafræn skrifleg samtöl einstaklinga við sérfræðinga í trúnaði. Einstakingar eru í sambandi við viðurkennda sálfræðinga sem hafa meira en 3ja ára reynslu af hugrænni atferlismeðferð. Enn fremur býður Ieso þjálfun fyrir heilbrigðisstarfsmenn þar sem lögð er áhersla á  geðheilsuvandamál.

Koordinaatti vefsíða býður upplýsingar og ráðgjöf fyrir ungmenni og hefur það að meginmarkmiði að vera veita hagnýtar upplýsingar, leiðbeiningar og ráðgjöf um margvísleg málefni og aðstæður í lífi ungs fólks. Um er að ræða lögbundna þjónustu í Finnlandi með áherslu á sjálfstæði og heilbrigði ungmenna. Ráðgjöfin er einstaklingsmiðuð og er í boði sveitafélaga og ýmissa stofnana. Aðstandendur ungs fólks geta einnig leitað eftir ráðgjöf hjá stofnunni.

Efni

• Persónuleg ráðgjöf
• Ráðgjöf og stuðningur

"It's Me" er vefsíða sem hefur hlotið viðurkenningu frá slóvenska heilbrigðisráðuneytinu. Á síðunni er meðal annars sagt frá rafrænu námskeiði sem ungmenni tóku þátt í og veittar upplýsingar um aðstæður ungmenna og þarfir þeirra. Þar koma fram mikilvægar upplýsingar um helstu málefni sem þau standa frammi fyrir í samfélaginu. Hugsanir þeirra, tilfinningar, viðhorf og skoðanir endurspegla hversu nauðsynleg þjónusta á borð við þessa er.

Mental Health Online er fyrirtæki sem býður fólki með geðræn vandamál sérfræðiþjónustu. Fyrirtækið var stofnað í samvinnu við eTherapy og NeTC  frá Tækniháskólanum í Swinburne.

Moodpath er vefsíða og einstaklingum er boðið að taka þátt í gagnvirku prógrammi til að finna hvort þeir þjáist af þunglyndi. Einstaklingarnir fá upplýsingar um hvernig þeir geti tekið á sínum vanda en greining kemur í ljós eftir að þeir hafa fyllt út  spurningalista. Þjónustan er ókeypis. Einstaklingar á nákvæmar upplýsingar til að skilja betur erfiðleika sína og þeir geta fengið aðstoð við að finna sérfræðing.

Tegund árangursríkra aðferða

• Leitaraðferð

My Online Therapie er vefsíða sem býður rafræna ráðgjöf og aðstoð  við geðrænan vanda. Sálfræðingar sjá um þjónustuna. Einstaklingum stendur til boða að bóka tíma á netinu. Þjónustan hentar ekki fyrir einstaklinga sem þjást af alvarlegum geðrænum kvillum eins og geðklofa.

Frekari leitarorð: Líkamleg veikindi

Mytoolkit.ca er gagnvirk vefsíða þar sem ungmenni geta sótt ráðgjöf um bætta geðheilsu. Á vefsvæðinu er hægt að nota snjallsímaöpp, myndbönd og svæði þar sem ungu fólki gefst tækifæri á að tala við sérfræðing.  Einnig er ýmislegt fræðsluefni um heilsutengd atriði svo sem hvernig á að höndla streitu, draga úr eða hætta fíkn.

“Mind your mood” er app sem aðstoðar fólk við að ræða um tilfinningar sínar og leiðir til sjálfshjálpar.

Á Novego vefsíðunni er einstaklingum sem þjást af þunglyndi, kvíða eða kulnun boðin aðstoð. Ýmsar sálfræðimeðferðir eru í boði, meðal annars hugræn atferlismeðferð. Lögð er áhersla á núvitund. Einstaklingum er boðin eftirmeðferð sem varir eitt ár eða lengur eftir að hafa tekið þátt í meðferð sem stendur yfir í fjórar til tólf vikur. Símaþjónusta er einnig í boði. 

O* NET er vefsíða sem inniheldur gagnagrunn sem veitir starfstengdar upplýsingar eins og  atvinnutækifæri, starfsþróun og starfsreynslu. Einstaklingar geta sent tölvupóst og fengið upplýsingar til baka.  O* NET Resource Center (miðstöðin)  er ein að þeim stofnunum  sem hefur safnað starfsupplýsingum í Bandaríkjunum mjög lengi. Miðstöðin  þjónar jafnframt sem miðpunktur upplýsinga um O* NET forritið og O* NET gagnagrunninn. Þar eru einnig unnin starfsþróunarverkfæri og leiðbeiningar. O* NET OnLine veitir nákvæmar lýsingar um starfsstéttir, þróun starfsmannamála o.fl. fyrir ýmsa markhópa meðal annars atvinnuleitendur.

Online Therapy Unit er vefsíða þar sem boðnar eru leiðir til sjálfshjálpar á netinu. Þjónustan sem er ókeypis hefur verið prófuð af sérfræðingum og nýtist vel þeim sem á þurfa að halda. Þar eru upplýsingar um hvernig einstaklingar geta sjálfir fundið leiðir til að yfirvinna depurð, þunglyndi eða kvíða.

Á vefsíðu Háskólans í Bern Online-Selbsthilfe er listi yfir sjálfshjálparnámskeið  sem eru í boði hverju sinni. Námskeiðin tengjast rannsóknum skólans. Lögð er áhersla á mismunandi þemum en undanfarið hefur verið boðin námskeið fyrir einstaklinga sem þjást af svefnleysi, fíkniefnanotkun eða geðrofi. Einstaklingarnir eru hvattir til að taka þátt í 6- til 8 vikna námskeiði.

Frekari leitarorð: Cannabis fíkn, Geðrof

Psicomindcare er portúgölsk stofnun sem býður alhliða þjónustu með það að markmiði að leiðbeina einstaklingum um heilbrigða lífshætti. Lögð er áhersla á heildræna og einstaklingsmiðaða þjónustu. Boðin er rafræn þjónusta með notkun Skype og tölvupósts.  

Frekari leitarorð: Inngrip vegna lestrar- og/eða skriftarörðugleika, Námshvatning, Sálræn ráðgjöf og kennsla, Leikjameðferð, Dáleiðsla, Námsaðstoð, Sálfræðileg greining, Náms- og starfsráðgjöf, Foreldraþjálfun, Talþjálfun.

Psychotherapy-person er vefsvæði sem stjórnað er af tveimur sálfræðingum sem bjóða bæði hefðbundna meðferð þar sem einstaklingur kemur til viðtals og einnig rafræna ráðgjöf eða sálfræðimeðferð. Á vefsvæðinu má finna ýmsar upplýsingar um námskeið og fræðsluefni (myndbönd og texta)  af ýmsum toga svo sem um meðvirkni, sjálfsást, matarfíkn og kvíða. Jafnframt gefst notendum síðunnar tækifæri til að setja inn athugasemdir á bloggsíðu sem er á vefsíðunni.  Farið er að ítölskum lögum um meðferð persónuupplýsinga og faglega unnið með vefsíðuna að öllu leyti. Öruggur greiðslumáti er kynntur fyrir þeim sem vilja nýta sér þjónustuna og  veittar eru upplýsingar um það fyrir hverja rafræn ráðgjöf eða meðferð er heppileg.

Viðbótarefni

• Andlegt ofbeldi og áreitni

Psychological counselling MD Iva Stasiow  er vefsíða og þar er boðin rafræn meðferð og ráðgjöf. Um er að ræða bæði einstaklingsráðgjöf og ráðgjöf fyrir pör. Ráðgjöfin getur farið fram í síma, tölvupósti eða á samskiptaforritinu Skype.  Einnig er í boði hefðbundin ráðgjöf. Á vefsíðunni er að finna allar upplýsingar um kosti ráðgjafar í síma eða tölvupósti. Jafnframt er þar ýmislegt fræðsluefni og einstakar kannanir svo sem þunglyndispróf og spurningar um hjónabandið. Á vefsíðunni má einnig finna bloggsvæði þar sem einstaklingum gefst tækifæri að tjá  sig. Þjónustan er einnig í boði á Facebook og YouTube.

Psihoterapija-psihodrama er vefsíða þar sem boðið er upp á sálfræðilega meðferð með notkun Skype samskiptaforritsins.  Á vefsíðunni má finna upplýsingar um sálfræðilega meðferð og hvernig á að komast í samband við meðferðaraðila. Þá er einnig að finna upplýsingar um siðferðileg álitamál rafrænnar sálfræðimeðferðar. Á vefsíðunni má finna ýmsar upplýsingar bæði um þá sérfræðinga sem bjóða þjónustuna og fræðsluefni um aðferðir sem beitt er í ráðgjöfinni ásamt almennum upplýsingum. Í boði eru námskeið sem eru auglýst sá síðunni.

Psy-help-online.ch er svissnesk vefsíða þar sem veitt er ráðgjöf eða sálfræðimeðferð með vefpósti, netspjalli, síma eða á Skype samskiptaforritinu. Viðskiptavinir geta valið  úr hópi viðurkenndra sálfræðinga eða geðlækna og pantað tíma í gegnum rafrænt dagatal.

Psyaspect veitir ráðgjöf og meðferð á netinu með tölvupósti, síma- eða fjarfundum. Reyndir sálfræðingar ráðleggja einstaklingum  á sviði starfs, samskipta og náinna sambanda.  Í fyrsta viðtalinu er mælt með hefðbundnu viðtali á skrifstofu sálfræðingsins.

Viðbótarefni: Andlegt ofbeldi og áreitni

Í rafrænum meðferðum  á geðdeild Háskólans í Zurich er lögð áhersla að að vinna með áföll, áfallastreituröskun, alvarleg sorgarviðbrögð og aðlögunarvandamál. Aðferðin miðar að því að draga úr persónulegum kvörtunum einstaklinganna og bæta lífsgæði þeirra. Meðferðin samanstendur af 12 til 16 fundum sem fara fram tvisvar í viku. Byggt er á hugrænni atferlismeðferð sem miðar að því að styrkja einstaklinga  og fá þá til að endurskoða hugsanir sínar, viðurkenna truflun á hegðun og finna leiðir til að takast á við erfiðar aðstæður í lífinu.

Frekari leitarorð: Aðskilnaðarkvíði, Áfallastreita, Alvarleg sorg

Upphaflega var ReachOut.com þróað í Ástralíu árið 1996. Með vaxandi tíðni sjálfsmorða hjá ungmennum á þeim tíma í Ástralíu jókst þörf fyrir stuðning og upplýsingar á netinu.ReachOut Ireland CLG var hleypt af stokkunum árið 2009 á Írlandi eftir að rannsóknir leiddu í ljós aukna þörf fyrir sambærilega þjónustu þar. Í ljós hafði komið að  töluvert var um  geðheilsuvandamál og sjálfsvíg, sérstaklega hjá fólki á aldrinum 12 til 25 ára.

Savjetovalište Krnetić er vefsíða þar sem boðin er ráðgjöf og meðferð fyrir einstaklinga, pör og hópa ásamt handleiðslu fyrir sérfræðinga á sviðinu.

Á vefsíðunni má finna upplýsingar um ráðgjöfina  og sálfræðimeðferðina sem veitt er er fyrir einstaklinga og Skype samskiptaforritið er notað til þess. Jafnframt er veitt ráðgjöf/meðferð á staðnum. Greiðslufyrirkomulag og  hvernig skal haga meðferðinni eða ráðgjöfinni er einnig á síðunni. Þar eru svör við algengum spurningum um vanda einstaklinga sem upp kann að koma meðal annars depurð og kvíða. Þá er einnig að finna skriflegt fræðsluefni um ýmis hugræn málefni eins og upplýsingar um hugræna atferlismeðferð ásamt upplýsingum um siðareglur og starfshætti sérfræðinga sem starfa í Bosníu - Hersegóvínu.

Viðbótaraðferð: Handleiðsla fyrir sérfræðinga

Schön Klinik – Online Therapie. Á vefsvæðinu er boðið upp á rafræna meðferð fyrir einstaklinga sem þjást af þunglyndi. Stuðst er við atferlismeðferð. Meðferðin miðar að því að draga úr einkennum þunglyndis. Einstaklingar eru hvattir til virkni og sjálfshjálpar með því að læra ákveðnar aðferðir sem í boði eru. Þeir einstaklingar sem nýta þjónustuna verða að mæta í fyrsta viðtalið en fá síðan rafræna þjónustu.

Selfapy býður sjálfshjálparnámskeið á netinu fyrir einstaklinga sem þjást af þunglyndi, kvíða eða kulnun. Það er aðallega byggt á hugrænni atferlismeðferð. Í boði eru 9 vikna námskeið sem stjórnað er af reyndum sálfræðingum. Aðferðirnar sem notaðar eru hafa verið prófaðar og viðurkenndar af háskólasjúkrahúsinu í Hamburg-Eppendorf. Á vefsvæðinu býðst fagmönnum einnig að hafa samband.

SilverCloud býður rafræn námskeið fyrir einstakinga sem þjást af kvíða, þunglyndi, streitu, líkamsímyndarvandamálum,mataræði eða langvarandi sjúkdóma. Námskeiðin eru gagnreynd ( evidence-based) og þróuð af leiðandi sérfræðingum á þessu sviði. Einstaklingarnir læra tækni til að stjórna og sigrast á heilsufarslegum málum. Ennfremur er lögð áhersla á skilgreiningar og að styrkja hæfni einstaklinga.

Sleepio býður rafrænt námskeið um svefn fyrir þá sem eiga við svefnvandamál að stríða. Byggt er á hugrænni atferlismeðferð. Námskeiðið er byggt á niðurstöðum  klínískra rannsókna í samstarfi við háskólann í Oxford. Áhersla er lögð á hugsanir og áhyggjur af svefni, nætursveiflu, lífsstíl og svefnaðstæður. Einu sinni í viku hittir einstaklingurinn sinn sérfræðing.

Talk Through er neytendavæn vefsíða fyrir meðferðaraðila. Það er sagt að ekki þurfi annað en tölvu og nettengingu. Vefsíðan nýtist hvort sem er í litlum eða stórum fyrirtækjum eins og á heilsugæslustöðvum, einkareknum læknastöðvum eða sálfræðiþjónustum. TalkThrough býður lausnir á þremur sviðum;  við stjórnun, við fjármálagerð og fyrir sálfræðilegar meðferðir.

Efni

Meðferðarstjórnun

Telepsychiatry er þjónusta sem miðar að þörfum eldra fólks sem á í erfiðleikum með að nálgast sálfræðiþjónustu. Boðin er rafræn þjónusta sérfræðinga með notkun spjaldtölvu. Þeir sem nýta sér þjónustuna geta tekið ýmis konar sálfræðileg próf sem geta hjálpað einstaklingum að fá þjónustu og úrræði við hæfi.

Frekari leitarorð: Minnisglöp

Telepsychiatry er þjónusta sem miðar að þörfum eldra fólks sem á í erfiðleikum með að nálgast sálfræðiþjónustu. Boðin er rafræn þjónusta sérfræðinga með notkun spjaldtölvu. Þeir sem nýta sér þjónustuna geta tekið ýmis konar sálfræðileg próf sem geta hjálpað einstaklingum að fá þjónustu og úrræði við hæfi.

Frekari leitarorð: Geðræn vandamál

The National Careers Service er fyrirtæki sem býður þjónustu fyrir einstaklinga á Englandi. Á vefsíðu fyrirtækisins geta einstaklingar fengið upplýsingar eða leiðbeiningar um nám, þjálfun og atvinnu. Boðið er upp á einstaklingsráðgjöf sem fram fer í trúnaði hjá fagmönnum. Þjónustan er í boði rafræn bæði á netinu, í síma eða með tölvupósti.  

Efni

• Upplýsingar
• Ráðgjöf og leiðbeiningar um nám
• Þjálfun og vinna

Therapion er vefsíða sem inniheldur upplýsingar um rafræna þjónustu á 15 mismunandi tungumálum. Boðin er ráðgjöf og sálfræðimeðferð af sérfræðingum á þessu sviði.

Einnig má finna upplýsingar um námskeið fyrir einstaklinga (bæði börn og fullorðna) ásamt skriflegu efni og myndböndum um málefni tengd heilsu og lífsstíl. Therapion býður jafnframt námskeið fyrir fagmenn á sviði sálfræði þar sem þeir geta bætt hæfni sína í rafrænni ráðgjöf. (Online Methods- Training for professionals). Frekari upplýsingar má finna á vefsíðunni,  http://www.therapion.com/pt/curso/).

Frekari leitarorð: Einmanaleiki, Lágt sjálfsmat, Ástarsorg, Vandi, Samskipti foreldra og barna, Starfsráðgjöf, Þjálfun í rafrænum aðferðum fyrir sérfræðinga

THIS WAY UP™ er fyrirtæki sem rekið er af The O’Brien Centre í  St. Vincent’s sjúkrahúsinu í Darlinghurst. Þar er boðin rafræn þjónusta fyrir einstaklinga sem eiga við kvíða, þunglyndi og aðra sálræna erfiðleika að stríða. Heilbrigðisráðuneyti Austurríkis fjármagnar þjónustuna og býður símaráðgjöf, sjálfshjálp og rafræna ráðgjöf. Í boði eru námskeið fyrir þá sem glíma við þunglyndi og kvíða. Lögð hefur verið áhersla á að rannsaka árangur þessa námskeiða og komið hefur í ljós að um helmingur þeirra sem sækja námskeiðin líður miklu betur eftir að hafa þegið þjónustu þá sem í boði er og telja sig ekki eiga við kvíða eða þunglyndi að stríða.

time4friends er vefsíða sem stýrt er af Rauða krossi Austurríkis. Markmiðið er að hvetja ungt fólk til að taka þátt í samskiptum. Þar má finna upplýsingar um hvernig á að búa með öðrum, hvernig á að haga sér í vinnu, hvernig á að haga sér í samskiptum, parasamböndum við fjölskyldu og vini. Einnig eru upplýsingar um menntun, flutninga o.fl. time4friends býður einnig rafræna ráðgjöf og jafningjaspjall eða ráðgjöf fyrir ungmenni.

Trappa.is er  er vefsíða sem býður sérhæfðar tæknilausnir fyrir þá sem vilja veita rafræna ráðgjöf, sálfræðimeðferðir og fleira. Lögð er áhersla á að nýta tæknina til að bjóða fjölbreytta  þjónustu og sérfræðiráðgjöf innan menntakerfisins. Framþróun og breytingar í menntamálum kalla á mikla endurskoðun á starfsháttum þeirra sem starfa við uppeldi og menntun. Hjá fyritækinu Tröppu eru sérfræðingar tilbúnir til að vinna með nemendum, foreldrum, skólum, sveitarfélögum, fyrirtækjum og stofnunum. Hjá Tröppu er boðin rafæn talþjálfun fyrir börn og fullorðna. Trappa þjónustar jafnframt sveitarfélög víðs vegar um landið.

Trappa ráðgjöf býður fjölbreyttar lausnir fyrir skóla og stofnanir af öllu tagi og veitir faglegan stuðning við fræðsluaðila, skólastjóra, kennara og foreldra.

Kara Connect er öruggur hugbúnaður fyrir fjarþjónustu í heilbrigðis- velferðar- og menntakerfinu sem Trappa notar.

Uddannelses Guiden  er umfangsmikil vefsíða sem veitir upplýsingar um menntun og rafræna ráðgjöf í Danmörku. Einstaklingar geta leitað eftir upplýsingum um námsframboð í framhaldsskólum, á háskólastigi og innan fullorðingsfræðslu ásamt því að leita upplýsinga um starfsþjálfun og möguleika á starfi.

Upplýsingum er raðað eftir markhópum;  börn og unglingar sem leita eftir framhaldsskólanámi, fullorðnir, sem leita að framhaldsfræðslu, fullorðinsfræðslu eða ráðgjöf um nám eða störf  og foreldrar sem leita að ýmsum upplýsingum um nám og námsframboð.

Frekari upplýsingar fást á www. studyindenmark.dk.

Á síðunni má nálgast ýmsa rafræna miðla til að leita eftir upplýsingum svo sem tölvupóst, símtöl á netinu eða á  samfélagsmiðlum. Vefsíðan er þróuð af Menntamálaráðuneyti Danmerkur.

WeCareOn  vefsíðan miðar að því að auka þjónustu sem tengist heilsu- og vellíðan. Miðað er að því að draga úr ótta einstaklinga við þjónustustofnanir með því að hafa áhrif á fyrirframgefnar hugmyndir um þjónustuna. Vefsíðan hefur hlotið viðurkenningu í heimalandi sínu, Portugal.

Frekari leitarorð: Núvitund, sálfræðileg ráðgjöf á mismunandi sérfræðisviðum

Fyrirlestur sem er 78 mínútur fjallar um samskiptamiðla og andlega heilsu ungmenna.  Á vefsíðunni eru gefnar upplýsingar til fagmanna um hvernig má nýta netið til að aðstoða ungmenni til betri heilsu.

Youth-Life-Line er vefsíða sem aðstoðar ungmenni í sjálfsvígshugleiðingum. Áhersla er lögð á forvarnir með  jafningjafræðslu. Aðallega er um tölvupóstssamskipti að ræða með aðkomu sérfræðinga á sviðinu. Einnig er í boði þjálfun fyrir þá sem vilja kynna sér forvarnir og leiðir til að vinna með börn og ungmenni sem eru í sjálfsvígshættu.